Тошкент метросидаги таблода уятсиз ёзув пайдо бўлганига изоҳ берилди
«Ўзбекистон темир йўллари» акциядорлик жамияти Тошкент метрополитенининг Сергели йўналиши 3-бекатида интервал соатлари жадвалида уятсиз ёзув пайдо бўлганига изоҳ берди.
Маълум қилинишича, 12 апрель куни соат 16:40 да ушбу соат механизмига киберҳужум (хакерлик) содир бўлгани аниқланган. У электрон ва симсиз WiFi орқали бошқарилган. Хакерлар томонидан соатга ўрнатилган пароль бузилган ва беҳаё ёзув қўйилган. Ушбу ёзув 4 дақиқа ичида олиб ташланган.
Шунингдек, ҳуқуқни муҳофаза қилиш идоралари томонидан айбдорларнинг қидирилаётгани ва уларга нисбатан тегишли чоралар кўрилиши таъкидланган. «Тошкент метрополитени» раҳбарияти телекоммуникация тармоғига ноқонуний (рухсатсиз) кириш жиноий жавобгарликка сабаб бўлишидан огоҳлантирди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг