Foto: Arxiv surat

Termiz shahrida joriy yilning 10-fevral kuni haydovchi avtomobilni hibsxonadan olib chiqishda yordam berish uchun YPX inspektoriga yetti million soʻm miqdorida pora taklif qildi. Bu haqda IIV matbuot xizmati xabar berdi.

Maʼlumotlarga koʻra, huquq-tartibot idorasi xodimi haydovchisi oʻzini shubhali tutgan “Tico” avtomobilini toʻxtatgan. Yoʻl-patrul xizmati inspektori tester yordamida erkakning mast holatda boʻlganligini aniqlagan, shu munosabat bilan u maʼmuriy bayonnoma tuzib, avtomashinani jarima maydonchasiga yuborgan.

Keyinroq huquqbuzar xodimning ish joyiga kelib, unga nisbatan hech qanday chora koʻrilmagani va avtomashinani jarima maydonchasidan olishga yordam berishi uchun unga yetti million soʻm taklif qilgan.

YPX inspektori erkakka oʻz taklifining noqonuniyligini tushuntirgan, biroq huquqbuzar soʻzida qatʼiy turgan.

YPX inspektori Surxondaryo viloyati IIB boshligʻiga murojaat qilib, oʻz hisobotida voqea yuzasidan batafsil tushuntirish berib, fuqaroga nisbatan qonuniy chora koʻrishni soʻragan.

Erkak yetti million soʻm pul oʻtkazayotgan vaqtda hibsxona yonida qoʻlga olindi, prokuratura ishni koʻrib chiqmoqda.