Saudiya Arabistoni va BAA Erondagi urushga qoʻshilishni muhokama qilmoqda. Bu haqida “The Wall Street Journal” nashri xabar berdi.

Taʼkidlanishicha, hozirgi vaqtgacha Saudiya Arabistoni va BAA harbiy infratuzilmani taʼminlash va Tehronga iqtisodiy bosim oʻtkazish bilan cheklanib qolayotgan edi. Bugunga kelib, har ikkala davlat qoʻshinlardan foydalanishni muhokama qilishga kirishgan.

Nashr manbalariga koʻra, Saudiya Arabistoni AQSH harbiylariga oʻz aviabazasiga kirish huquqini berishga rozi boʻlgan. Maʼlumot uchun, ushbu mamlakat mojaro boshlanishidan oldin hukumat oʻz infratuzilmasidan Eronga hujum qilish uchun foydalanishga yoʻl qoʻymasligini taʼkidlagan edi.

Shuningdek, Birlashgan Arab Amirliklari allaqachon Dubaydagi Eronga tegishli kasalxona va klublarni yopgan. Koʻp yillar davomida Eron bizneslari va jismoniy shaxslari uchun moliyaviy markaz boʻlib xizmat qilgan BAA urush boshidagi yirik hujumlardan soʻng Eron aktivlarining milliardlab dollarini muzlatib qoʻyish ehtimoli haqida ogohlantirgandi. Nashrning taʼkidlashicha, BAA ham oʻz qoʻshinlarini frontga yuborish masalasini koʻrib chiqmoqda.