Samarqandda haydovchi o‘quvchini urib yuborib qochib ketdi
Ijtimoiy tarmoqlarda Samarqand tumanidagi mahallaning ichki ko‘chasida qora rangli “Jentra” tez harakatlanib kelib, o‘quvchilardan birini urib yuborgani va voqea joyidan ketib qolgani tasvirlangan video tarqaldi.
Videoda ko‘chani uch nafar o‘quvchi kesib o‘tayotganini, “Jentra” kelib qolganda ularning ikki nafari o‘zini olib qochganini va bir nafarini mashina urib uchirib yuborganini ko‘rish mumkin.
Unda aytilishicha, hodisa 2023 yil 18 dekabr kuni soat 17: 25 larda Samarqand tumani "Ravonak" MFY hududidan o‘tuvchi ichki yo‘lda sodir bo‘lgan.
Yo‘lni kesib o‘tayotgan 2011 yilda tug‘ilgan 7-sinf o‘quvchisini davlat raqami 30 O 641 AB bo‘lgan “Jentra” urib yuborgan va haydovchi voqea joyidan ketib qolgan.
Oqibatda, maktab o‘quvchisi tan jarohati olib, tuman tibbiyot birlashmasiga yotqizilgan.
YPX xodimlari tomonidan olib borilgan surishtiruv davomida haydovchi va transport vositasi topilgan. Hozirda holat yuzasidan Samarqand tumani IIB tomonidan dastlabki surishtiruv ishlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring