Samarqandda “ajal ogʻusi”ni 10 ming dollarga pullayotgan shaxslar ushlandi
Foto: Videodan kadr
Samarqand viloyatida giyohvandlik moddasini shartli xaridorga sotmoqchi bo‘lgan ikki nafar shaxs ushlangan. Bu haqda viloyat IIB axborot xizmati xabar berdi.
Ma’lum qilinishicha, 2024 yil 23 avgust kuni Samarqand viloyati IIB va DXX viloyat boshqarmasi xodimlari tomonidan tezkor tadbir o‘tkazilgan.
Tadbirda Jomboy va Urgut tumanida yashovchi ikki nafar shaxs shartli xaridorga 700 gramm gashish giyohvandlik moddasini 10 ming dollarga sotayotgan vaqtda ashyoviy dalillar bilan ushlangan.
Qayd etilishicha, holat yuzasidan dastlabki tergov harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring