Qoraqalpogʻistonning yana ikki tumanida bogʻchalar yopildi
Illyustrativ foto
Avvalroq Qoraqalpogʻistonning Xoʻjayli tumanida jazirama issiq sabab bogʻchalar faoliyati vaqtincha toʻxtatilgani haqida xabar berilgandi. Maktabgacha va maktab taʼlimi vazirligi respublikaning yana ikkita tumani — Taxiatosh va Qoraoʻzakda ham maktabgacha taʼlim tashkilotlari vaqtinchalik yopilganini maʼlum qildi.
Qayd etilishicha, ushbu chora-tadbirlar 16−18-iyul kunlari ob-havo haroratining keskin oshishi kutilayotgani sababli bolalarning sogʻligʻiga salbiy taʼsirlarning oldini olish maqsadida sanitariya qoidalari va meʼyorlari talablariga rioya qilgan holda amalga oshirilmoqda.
17−19-iyul kunlari Oʻzbekiston hududiga janubdan juda issiq havo oqimlari kirib kelmoqda
“Oʻzgidromet” xabariga koʻra, joriy yilning 17-iyulda Respublika shimolida, janubida va choʻl hududlarida, 18-20-iyulda hududning katta qismida havo harorati 40-43 darajagacha, janubda va choʻl hududlarda baʼzi joylarda 44-45 darajagacha koʻtariladi.
Respublika boʻyicha shamol tezligi 13-18 m/s gacha kuchayishi, baʼzi joylarda chang-toʻzonlar bilan kuzatilishi kutilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring