Oʻzbekistonda dizel yoqilgʻisining narxi tushdi
Oʻzbekistonda 3-aprel kunidan dizel yoqilgʻisi narxi 300 soʻmga arzonlashtirilgan holda sotuvga chiqariladi.
Avvalroq, 1-martdan boshlab dizel narxi 200 soʻmga pasaygan edi.
“Oʻzbekneftgaz” oʻz xabarida dizel yoqilgʻisining narxi xorijiy kompaniyalar sotayotgan dizel yoqilgʻisi narxidan 11,5% arzonligini taʼkidlagan.
Qoʻshimcha qilinishicha, narxlarni bosqichma-bosqich kamaytirib borish davom etadi.
Eslatib oʻtamiz, 1-apreldan benzin, dizel yoqilgʻisi, suyultirilgan va siqilgan gazga aksiz soliq stavkalari oshirilmaydigan boʻldi.
Oʻtgan hafta “Oʻzbekneftgaz” AI-92 markali benzin narxini 6200 soʻmdan 6000 soʻmga pasaytirgandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring