Olis qishloqda zamonaviy bogʻcha
Foto: Халқ сўзи
Fargʻona viloyatining Uchkoʻprik tumanidagi «Qurbon qashqar» mahalla fuqarolar yigʻini markazdan eng olis hududda – 20 km uzoqda joylashgan. Shu bois ushbu hududda kichkintoylarni bogʻchaga qamrab olish koʻrsatkichi nisbatan past, uzun navbatlar yuzaga kelgan edi.
Investitsiya dasturi doirasida mahalladagi 20-davlat maktabgacha taʼlim tashkiloti oʻrnida ikki qavatli, zamonaviy sharoitlarga ega 120 oʻrinli bolalar bogʻchasi qad rostlagani bu muammoga barham berdi.
— Qariyb 2,5 mlrd soʻm mablagʻ evaziga muassasamizda bolajonlar uchun eng zamonaviy qulayliklar muhayyo etildi, — deydi bogʻcha mudirasi Nilufar Ziyayeva. — Endilikda 20 nafar tarbiyachilarimiz ingliz tili, musiqa, mental arifmetika, sport gimnastikasi mashgʻulotlarini muntazam ravishda oʻtkazish imkoniyatiga ega. Qisqa guruhlar faoliyatini yoʻlga qoʻyish orqali esa qishloqdagi oʻgʻil-qizlarni maktab taʼlimiga puxta tayyorlashga harakat qilmoqdamiz.
Botir Madiyorov, “Xalq soʻzi”.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring