Foto: Arxiv surat

Unga koʻra, “Mening birinchi uyim” dasturini birinchi bosqichini tajriba-sinov tariqasida Zangiota tumani “Turkiston” MFYda amalga oshirish rejalashtirilmoqda.

Shuningdek, dastur doirasida quriladigan uy-joylar aholiga imtiyozli va bozor shartlarda realizatsiya qilish, imtiyozli uy-joylar oxirgi 5 yil davomida mulk huquqi asosida uy-joyga ega boʻlmagan oilalarga, 15 foiz miqdorda boshlangʻich toʻlov asosida 20 yil muddatga boʻlib-boʻlib toʻlash shartlarida realizatsiya qilish rejalashtirilmoqda.

Qaror loyihasida uy-joy sharoitlarini yaxshilashga muhtoj boʻlgan shaxslarga imtiyozli uy-joylar boʻyicha boshlangʻich toʻlovining bir qismini qoplash uchun – qatʼiy belgilangan 32 million soʻm miqdorida, oylik toʻlovlarining bir qismini qoplash uchun – besh yil davomida har oylik qatʼiy belgilangan 1 million soʻm miqdorida Davlat byudjeti hisobidan subsidiyalar ajratish koʻzda tutilmoqda.

Dasturning amalga oshirilishida Turkiya Respublikasi davlat uy-joy boshqarmasi (TOKI) bilan hamkorlik qilinadi. TOKI Turkiyada kam va oʻrta daromadli oilalar uchun ijtimoiy uylar qurish boʻyicha katta tajribaga ega.