Foto: Reuters

Xitoyning Rossiyaga qurol joʻnatish masalasini koʻrib chiqayotgan belgilari koʻrinmoqda, biroq hozircha bu amalga oshirilmagan. Xuddi shunday fikrlarni NATO bosh kotibi Yens Stoltenberg aytib oʻtdi.

“Biz Xitoydan Rossiyaga hech qanday halokatli qurol joʻnatilganini koʻrmadik, ammo ular buni oʻrganayotgani va buni rejalashtirayotgani belgilarini koʻrdik”, deydi Stoltenberg.

Avvalroq, Xitoy Tashqi ishlar vazirligining rasmiy vakili Van Venbin Pekin Rossiya armiyasini qurol-yarogʻ taʼminlayotgani haqidagi gap-soʻzlarni “AQSH razvedkasi”ning mish-mishi va tuhmati degan edi.

Diplomatning taʼkidlashicha, Xitoy Rossiyaning Ukrainadagi maxsus harbiy operatsiyasi boshidanoq konstruktiv rol oʻynab, tomonlarni muzokaralarni qayta boshlashga va barcha muammolarni tinch yoʻl bilan hal qilishga ishontirishga harakat qilgan.

Shu bilan birga, u Ukraina tomoniga eng yirik qurol yetkazib beruvchi boʻlgan AQSH Xitoy Xalq Respublikasiga qarshi doimiy ravishda Rossiyaga qurol yetkazib berish haqidagi soxta ayblovlarni ilgari surayotganini taʼkidladi.

Van Venbinning aytishicha, bu Ukrainadagi mojaroni hal qilish jarayonini sekinlashtiradi va Xitoy-AQSH munosabatlariga ham putur yetkazishi mumkin.