Fargʻonada 2,2 mlrd soʻmlik gazdan noqonuniy foydalangan “zapravka” aniqlandi
Fargʻona viloyatida suv nasosi stansiyasi va bitta gaz zapravka 3 milliard soʻmdan ziyod energiya resurslaridan noqonuniy foydalangani aniqlandi. Bu haqda Energetika vazirligi matbuot xizmati xabar berdi.
Qayd etilishicha, Quvasoy shahrida faoliyat yuritib kelayotgan “E.G.S.” MCHJga qarashli AGTKSHning elektron gaz hisoblagichi monifolt qismiga oʻrnatilgan tamgʻa uzilib, jami 2,2 milliard soʻmlik tabiiy gazdan noqonuniy foydalangani aniqlangan.
Shuningdek, Toshloq tumanida joylashgan Fargʻona nasos stansiyasi energetika boshqarmasi Toshloq tumani boʻlimiga qarashli suv nasosi uskunalarining elektr tarmoqlariga notoʻgʻri ulanishi natijasida ikkita holat aniqlangan. Buning natijasida jami 808,8 million soʻmlik elektr energiyasidan noqonuniy foydalanilgani maʼlum boʻlgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring