Chust tumani hokimining 3 ta avtomashinasi jarima maydonchasiga joylashtirildi
Namangan viloyati Chust tumani hokimining avtomashinalari yirik miqdorda jarima solingani uchun jarima maydonchasiga joylashtirildi. Bu haqda viloyat YHXB matbuot xizmati xabar berdi.
Maʼlumotlarga koʻra, Bekzod Hamdamov 2018-yilda qonunbuzarliklarni hisobga olgan holda 42 ta jarima yigʻgan.
YHXB maʼlumotlariga koʻra, “Cobalt” rusumli avtomashinaning jami 17 ta jarima summasi 7 626 000 soʻmni tashkil qiladi.
“Nexia-3” rusumli avtomashinadan 5 million 302 ming 900 soʻmlik 15 ta jarima aniqlangan. Ushbu avtomashina viloyat hokimining birinchi oʻrinbosari Jamshid Bahodirovga biriktirilgan.
“Trailblazer” uchun 10 ta jarima miqdori 7 775 000 soʻmni tashkil etadi.
Qayd etilishicha, barcha qoidabuzarliklar tezlikni oshirish bilan bogʻliq.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring