Boʻstonliqdagi togʻda adashib qolgan fuqarolar qutqarildi
Foto: FVV
Toshkent viloyatining Boʻstonliq tumanidagi togʻda yoʻldan adashib qolgan fuqarolar qutqarildi. Bu haqda Favqulodda vaziyatlar vazirligi xabar berdi.
Qayd etilishicha, kecha, 25-avgust kuni soat 15:40 da Toshkent viloyati Favqulodda vaziyatlar boshqarmasiga Boʻstonliq tumani Chimyon mahallasi hududidagi Katta Chimyon togʻiga uch nafar fuqaro sayr qilish maqsadida borib, yoʻldan adashib qolgani haqida xabar kelib tushgan.
Xabarga asosan, Chimyon yongʻin-qutqaruv otryadidan bir guruh qutqaruvchilar aytilgan manzilga yetib borib, fuqarolar xavfsiz hududga olib tushilgan. Fuqarolarning hech biri tan jarohati olmagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring