Besh oyda 12 million nafar bola 13 turdagi vaksinalar bilan emlandi — Sogʻliqni saqlash vazirligi
Foto: Arxiv surat
Shu yil yanvar-may oylarida mamlakatimiz boʻyicha 12 mln. nafar bolada boshqariluvchi yuqumli kasalliklarga qarshi 13 turdagi vaksina bilan emlash tadbirlari tashkil etildi.
Buning uchun davolash-profilaktika muassasalarining emlash punktlarida 13 turdagi yuqumli kasalliklarga qarshi vaksinalar zaxirasi yaratildi.
Jumladan:
— respublika boʻyicha 334 261 nafar goʻdak virusli gepatit V va sil kasalligiga qarshi vaksinalar bilan;
— 6 yoshdagi 354 562 nafar bola qizamiq-parotit-qizilchaga qarshi vaksina bilan;
— 9 yoshdagi 281 241 nafar qizr odam papilloma virusiga qarshi emlandi.
Shuningdek:
— 353 558 nafar bola – rotavirusga qarshi;
— 362 029 nafar oʻgʻil-qiz – pentavalent vaksinasi bilan difteriya, koʻkyoʻtal, qoqshol, xib, pnevmokokk infeksiyasiga;
— 378 538 nafar bola – KPK vaksina bilan qizamiq-parotit-qizilchaga qarshi emlash vositasini oldi.
Bundan tashqari, respublika boʻyicha 7 yoshgacha boʻlgan 3,5 mln. nafar bola oʻrtasida qizamiq-qizilchaga qarshi tegishli koʻrsatma boʻyicha ommaviy emlash tadbirlari oʻtkazildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring