Baxtiyor Saidov Oʻmon Sultonligining mamlakatimizdagi elchisi Ahmad al-Kasiriyni qabul qildi
Foto: Tashqi ishlar vazirligi matbuot xizmati
2023-yil 19-yanvar kuni Oʻzbekiston Respublikasi tashqi ishlar vaziri v.b. Baxtiyor Saidov mamlakatimizdagi diplomatik missiyasini yakunlayotgan Oʻmon Sultonligining Favqulodda va Muxtor Elchisi Ahmad al-Kasiriyni qabul qildi.
B.Saidov Elchining ikki tomonlama munosabatlar izchil rivojlanishiga qoʻshgan shaxsiy hissasini yuqori baholadi.
Elchi Oʻzbekistonda ishlagan davrida (2019-2023-yillar) respublikaning jadal taraqqiyotiga xizmat qilgan keng koʻlamli islohotlarning guvohi boʻlganini taʼkidladi.
Uchrashuvda Oʻzbekiston-Oʻmon hamkorligining dolzarb masalalari, ilgari erishilgan kelishuvlar ijrosi va turli darajadagi boʻlajak uchrashuvlar jadvali muhokama qilindi.
Savdo-iqtisodiy, transport-kommunikatsiya, madaniy-gumanitar sohalardagi hamkorlikning mavjud salohiyatidan samarali foydalanish muhimligi qayd etildi.
Elchi Oʻzbekiston tomoniga diplomatik faoliyatini amalga oshirishda koʻrsatilgan yordam va yaratilgan qulay shart-sharoitlar uchun minnatdorlik bildirdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring