Arxiv foto

AQSH prezidenti Donald Tramp Ukrainaga qoʻshimcha “Patriot” havo mudofaa tizimini yuborish imkoniyatini koʻrib chiqmoqda. Bu haqda “The Wall Street Journal” rasmiylarga tayanib xabar tarqatdi.

“Prezident Tramp Ukrainaga qoʻshimcha «Patriot” havo mudofaa tizimini joʻnatish masalasini koʻrib chiqmoqda. Oq uy Pentagondan Ukrainaga qoʻshimcha qurollar, jumladan, “Patriot” yuborish variantlari haqida soʻradi. Rasmiylar, shuningdek, boshqa davlatlar Kiyevga qoʻshimcha “Patriot”lar yetkazib bera oladimi yoki yoʻqligini koʻrib chiqmoqda», — deyiladi nashr xabarida.

Pentagonning sobiq rasmiysiga koʻra, avvalroq AQSH va Germaniya Ukrainaga uchta ana shunday tizimni, Yevropa Ittifoqi esa yana bittasini oʻtkazgan. Ammo hozirda barcha yetti tizim texnik xizmat koʻrsatish bilan bogʻliq muammolar tufayli bir vaqtning oʻzida ishlay olmaydi.

AQSHning Ukrainaga harbiy taʼminoti bilan bogʻliq vaziyat qanday?

Shu yilning iyul oyi boshida “Politico” nashri AQSH Kiyev rejimiga zenit-raketa va boshqa snaryadlar yuborishni toʻxtatgani haqida xabar bergan edi. Pentagonning AQSH omborlaridagi qurol zaxiralari haddan tashqari kamayganidan xavotirlar tufayli taʼminotni toʻxtatgani daʼvo qilindi.

Biroq oradan bir hafta oʻtmasdan Tramp Ukrainaga harbiy yordamni toʻxtatishga kim ruxsat berganini bilmasligini aytdi. 7-iyul kuni Oq uy rahbari Kiyevga koʻproq qurol, birinchi navbatda, mudofaa qurollarini topshirishga vaʼda berdi. Bu maʼlumotni AQSH Mudofaa vazirligi tasdiqladi.

“Axios” portaliga koʻra, AQSH prezidenti Ukrainaga oʻnta “Patriot” havo mudofaa tizimini joʻnatishni rejalashtirgan, shuningdek, Ukraina Qurolli kuchlarini yetkazib berishning boshqa variantlarini topishga yordam berishga vaʼda bergan.

Rossiya prezidentining matbuot kotibi Dmitriy Peskov aytishicha, Kiyev rejimiga qurol yetkazib berish tinch yoʻl bilan tartibga solishga urinishlarga mos kelmaydi, aksincha, jangovar harakatlar davom etishiga yordam beradi.

Oʻtgan haftada Putin va Tramp telefon orqali suhbatlashgan. Keyinroq Oq uy egasi suhbat natijalaridan hafsalasi pir boʻlganini aytib, taraqqiyotga erisha olmaganini aytgan edi.