AQSH Falastin davlatini yaratish boʻyicha aniq choralarni qoʻllab-quvvatlaydi
Foto: Reuters
AQSH davlat kotibi Entoni Blinken chorshanba kuni Iordaniyaning Gʻarbiy sohilida Falastin maʼmuriyati rahbari Mahmud Abbos bilan muzokaralar oʻtkazdi. Muloqotda Vashington Falastin davlatini yaratish boʻyicha aniq chora-tadbirlarni qoʻllab-quvvatlashini maʼlum qildi.
Manbaga koʻra, Blinken “Vashingtonning Isroil qoʻshnisida tinchlik va xavfsizlikda yashayotgan Falastin davlatini yaratish zarurligi, shuningdek, buning uchun aniq chora-tadbirlarni qoʻllab-quvvatlash borasidagi qatʼiy pozitsiyasini tasdiqlagan”.
Blinkenning tashrifi Isroil Bosh vaziri Benyamin Netanyaxu va uning harbiy vazirlar mahkamasi bilan Isroilning Falastinning Gʻazo sektoridagi harbiy harakatlaridagi oʻzgarishlar, mintaqadagi keskinlik va Isroil — Falastin mojarosining kelajagi haqida suhbatdan bir kun oʻtib amalga oshirildi.
Blinken Isroilga kelishidan oldin Vashingtonning arab ittifoqchilariga ham tashrif buyurgandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring