«Жаннат калитлари қўлингизда» — Ғофуржон Мирзаев

18:38 24 Декабрь 2020 Жамият
1242 0

Сирдарё вилояти ҳокими Ғофуржон Мирзаев вилоят сектор раҳбарлари билан биргаликда Сирдарё туманидаги «Мурувват» ногиронлиги бор аёллар интернатида бўлди.Айтиш лозимки, кейинги йилларда ушбу ижтимоий-тиббиёт масканида кенг кўламдаги таъмирлаш-қурилиш ва ободонлаштириш ишлари амалга оширилди.Интернат яшовчиларининг шароити уй муҳитига яқинлаштирилди.

Вилоят раҳбари бу борада яна бажарилиши керак бўлган вазифалар бўйича тавсиялар берди.Сўнгра барча бўлимларда бўлиб,каттаю кичикни яқинлашаётган Янги йил байрами билан табриклади. Интернатда яшаётганларнинг барчасига совға-саломлар улашилди, байрам дастурхони ёзилди ва жонлиқ сўйилиб,Қуръон тиловати бахшида этилди.

Ғофуржон Мирзаев туғилганидан буён тўшакка михланган болалар ва ўсмирлар яшаётган хонада энага Моҳира Ахунжоновага «Сизларнинг бу машаққатли меҳнатингизга ҳар қандай юксак таъриф оз. Бир сўз билан айтганда, жаннат калитлари қўлингизда» деди. Ва мутасаддиларга энагалар ва улар каби фидойиларни муносиб рағбатлантириш бўйича кўрсатмалар берди.

Аҳмадали ШEРНАЗАРОВ,

(«Халқ сўзи»).

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Янгиликлар тақвими

Кластер