Зеленский Украина Пасха сулҳини қўллаб-қувватлашга тайёрлигини билдирди
Украина Президенти Владимир Зеленский Киев Пасха сулҳини қўллаб-қувватлашга тайёр эканлигини маълум қилди. Тегишли пост Украина етакчисининг Telegram-каналида эълон қилинди.
«Украина бир неча бор биз ўхшаш қадамларга тайёр эканимизни билдирган. Биз бу йил Пасха байрамлари вақтида ўт очишни тўхтатишни таклиф қилганмиз ва шунга мувофиқ йўл тутамиз. Одамларга таҳдидларсиз ўтадиган Пасха ва тинчлик сари реал ҳаракат керак. Россияда эса Пасхадан кейин ҳам зарбалар беришга қайтмаслик учун имконият бор», — деб ёзди Зеленский.
Аввалроқ Россия Президенти Владимир Путин Пасха муносабати билан ўт очишни тўхтатиш ҳақида эълон қилган эди.
«Россия Федерацияси Қуролли Кучлари олий бош қўмондони В.В. Путиннинг қарори билан яқинлашиб келаётган православларнинг Пасха байрами (Масиҳнинг нурли тирилиши) муносабати билан 2026 йил 11 апрель соат 16:00 дан 12 апрель куни якунига қадар ўт очишни тўхтатиш эълон қилинади», — деб хабар берган эди Кремль.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг