Зеленский агар Путин у ерда бўлса, Индонезиядаги G20 саммитида қатнашмаслигини айтди
Фото: Reuters
Украина президенти Владимир Зеленский Индонезияда бўлиб ўтадиган G20 саммитида Россия президенти Владимир Путин бўлса, иштирок этмаслигини айтди. Ушбу саммит шу йилнинг 15-16 ноябрь кунлари ташкил этилмоқда.
«Менинг ва Украинанинг шахсий позицияси шундан иборат эдики, агар Россия Федерацияси раҳбари иштирок этса, Украина буни қабул қилмайди», дейди Зеленский.
У Украина саммитга тайёргарлик кўраётганини таъкидлади ва 3 ноябрь куни Индонезия президенти Жоко Видодо билан тайёргарлик масаласини муҳокама қилганини таъкидлади.
«Ҳар қандай ҳолатда ҳам бугун бизни яна таклиф қилишди. Кўрамиз, саноқли кунлар қолди», — дея қўшимча қилди Зеленский саммитда шахсий иштироки ҳақидаги саволга жавоб берар экан.
Шу йилнинг 27 октябрь куни Валдай халқаро мунозара клубининг ялпи мажлисида Россия президенти Владимир Путин G20 саммитига боришини айтган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг