Япония Бош вазири етти кун ичида иккинчи бор касалхонага мурожаат қилди
Фото: Reuters
Япония Бош вазири Синдзо Абэ бир ҳафта ичида иккинчи марта тиббий кўрикдан ўтиш касалхонага мурожаат қилган. Бу ҳақда "Reuters" агентлиги хабар бермоқда.
Аввалроқ, маҳаллий ОАВда ҳукумат раҳбарининг жиддий касал бўлиб қолганлиги боис ўз лавозимини тарк этиши мумкинлиги ҳақида хабарлар берилган эди. Эътиборли жиҳати, 65 ёшли сиёсатчи фаолияти давомида биринчи маротаба жорий йилнинг 17 август кунини касалхонада ўтказганди.
Ўз навбатда, Абэ маъмурияти Бош вазирнинг соғлиғи яхшилигини таъкидлаган ҳолда касалхонага бўлган иккинчи ташрифнинг боиси биринчи тиббий кўрикнинг давоми эканлигини маълум қилди.
Эслатиб ўтамиз, Синдзо Абэ ҳукумат раҳбари сифатида Япония тарихида рекорд натижани қайд этган. У ҳукуматни 2012 йил декабрь ойи, яъни 2799 кундан буён бошқариб келмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг