Владимир Путин «COVID-19»га қарши қайта эмланди
Фото: rg.ru
Россия президенти Владимир Путин «COVID-19»га қарши қайта эмланди.
Россия раҳбари Академик Н.Ф.Гамалея номидаги Миллий эпидемиология ва микробиология илмий-тадқиқот маркази директори ўринбосари Денис Логунов билан учрашув вақтида шифокорлар тавсиясига кўра коронавирусга қарши маҳаллий «Sputnik Light» вакцинаси билан қайта эмланганини айтган.
Владимир Путин 21 ноябрь куни қайта эмланди.
«Бугун сизнинг ва ҳамкасбларингизнинг тавсияси билан мен «Sputnik Light» вакцинасини қабул қилдим. Бу ревакцинация дейилади», деган Путин.
Аниқлик киритилишича, бу ерда гап учинчи эмлаш ҳақида кетмоқда.
«Президент эмлашдан кейин ўзини яхши ҳис қилаётганини айтган. Менга вакцина икки соат олдин юборилди. Мен ҳеч нарсани ҳис қилмаяпман», деган Россия раҳбари.
Путин жорий йилнинг июнь ойида Россиянинг «Спутник V» вакцинаси билан коронавирусга қарши тўлиқ эмланган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг