Вирусга қарши эмлангандан сўнг АҚШда 55, Норвегияда 29 киши ҳаётдан кўз юмди
AҚШда 55 киши Moderna ва Pfizer вакциналари билан эмлангач, бир қанча вақт ўтиб ҳаётдан кўз юмди. Бу ҳақда Vaccine Adverse Event Reporting System маълумотлар федерал базаси орқали маълум қилинди.
Хусусан, Жанубий дакоталик 93 ёшли эркак вакцина қабул қилганидан 2 соат ўтиб, вафот этган, деб ёзади The Epoch Time.
Бундан ташқари, эмлангандан сўнг яна 96 нафар америкалик ҳаёт учун хавфли асоратларни орттириб олган, 24 ҳолатда бемор меҳнат қилиш лаёқатини йўқотган, 225 нафари шифохонага ётқизилган.
Вакцинадан кейин одам ўлими билан боғлиқ ҳолат Норвегияда ҳам қайд этилганди. Айни пайтгача ушбу мамлакатда Pfizer дорисини қабул қилган 29 киши дунёдан кўз юмди. Уларнинг барчаси 75 ёшдан ўтган кекса инсонлардир.
Норвегия дори воситалари агентлигининг маълум қилишича, ўлим билан боғлиқ мазкур ҳолатларнинг барчаси вакцина билан боғлиқ.
Унда қайд этилишича, Pfizer сурункали касалликларга чалинган ёши катталар учун хавфлидир.
Шу пайтгача Исроил, Швейцария ва Португалияда вакцинадан сўнг ўлим билан боғлиқ ҳолатлар қайд этилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг