Бош прокуратура ҳузуридаги Департаментнинг Миробод туман бўлими томонидан ИИББ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Ш.Ю. жами 3 500 АҚШ долларини фуқаро М.А.га 42,9 млн сўмга сотган вақтида ашёвий далиллар билан ушланган.

Худди шундай, Департаментнинг Қувасой шаҳар бўлими томонидан ўтказилган тезкор тадбирда валюта айирбошлаш билан шуғулланиб келган А.Х. жами 3 200 АҚШ долларини фуқаро Ш.К.га 39,3 млн сўмга сотган вақтида ашёвий далиллар билан ушланган.

Шу каби, Департаментнинг Тошкент вилоят бошқармаси томонидан Ангрен шаҳри ҳудудида ўтказилган тезкор тадбирда валюта айирбошлаш билан шуғулланиб келган М.А. (муқаддам судланган) жами 3 000 АҚШ долларини фуқаро Э.М.га 36,8 млн сўмга сотган вақтида ашёвий далиллар билан ушланган.

Департаментнинг Тўрткўл туман бўлими томонидан ИИБ ходимлари билан ҳамкорликда ўтказилган тезкор тадбирда эса, валюта айирбошлаш билан шуғулланиб келган Н.А. жами 269 минг Россия рублини фуқаро Н.М.дан 34,1 млн сўмга сотиб олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.