Украинанинг биринчи президенти Леонид Кравчук вафот этди
Фото: РИА «Новости»
Украинанинг биринчи президенти Леонид Кравчук вафот этган. Бу ҳақда Украина ОАВ сиёсатчининг оиласига таяниб хабар бермоқда. Хабарларга кўра, Лоенид Кравчук узоқ давом этган хасталикдан сўнг ҳаётдан кўз юмган. У жорий йилнинг январь ойида 88 ёшга тўлган эди.
Лоенид Кравчук 1991 йилнинг сентябрь ойида Укрина президенти этиб сайланган эди. У 1994 йилгача мамлакатни бошқаради. Ўша йили муддатидан олдин ўтказилган сайловда Леонид Кучмага ютқазган эди. Шундан сўнг Кравчук 1998 ва 2002 йиллада Украина Олий Радаси депутати этиб сайланади ва 2006 йилда сиёсий фаолиятини тугатади.
Леонид Кравчук 2021 йилнинг 29 июнь куни юрагидан жарроҳлик амалиётини ўтказади ва узоқ муддат жонлантириш бўлимида қолади. Сентябрь ойига келиб реабилитациядан ўтади. Ўша пайтда унинг оиласи муолажа муваффақиятли ўтганини маълум қилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг