Фото: Reuters

НАТО Бош котиби Украина Қуролли Кучларининг муваффақияти ҳақида гапириб, уларни узоқ урушга тайёргарлик кўриш кераклигини таъкидлади

НАТО Украина Қуролли Кучларининг Херсон ва Харков яқинидаги баъзи муваффақиятларини кўрмоқда, аммо узоқ урушга тайёргарлик кўриши ва украиналик ҳарбийлар ўн минглаб қишки кийим-кечаклар билан таъминланиши керак.

Бу ҳақда НАТО бош котиби Йенс Столтенберг АҚШ Давлат котиби Энтони Блинкен билан учрашув якунлари бўйича ўтказилган матбуот анжуманида маълум қилди.

«Украина армиясининг сони ўсди ва унинг қишга тайёрланишини таъминлаш, жумладан, ўн минглаб қишки кийим-кечакларни жўнатиш зарур», дейди Бош котиб.

Унинг қўшимча қилишича, Альянс давлатлари ҳатто ўзларининг мудофаа қобилиятига зарар етказган ҳолда Киевга қурол етказиб беришни кўпайтириши керак. Чунки НАТО Украинадаги урушни ўз хавфсизлигини таъминлаш элементи деб билади. Шимолий Атлантика альянси шарқий чегарада янги кучларни жойлаштирмоқда.

Маълумки, Россия жорий йилнинг 24 февралидан бери Украина ҳудудида «махсус ҳарбий амалиёт» ўтказмоқда. Бу халқаро ҳамжамият, нуфузли ташкилотлар ва компанияларнинг кескин эътирозига сабаб бўлмоқда.