Туркия мухолифати бир кунда бир неча минг кишини йўқотди
Фото: Depositphotos
Туркия мухолифатидаги “İyi parti” партиясининг Диёрбакир вилоятидаги минтақавий бўлими раҳбари Вездин Энсариўғлунинг айтишича, 16 декабрь куни партиядан деярли 13 минг киши чиқиб кетган.
“Мен ва 2018 йилдан бери курашаётган “İyi parti”нинг вилоят бўлимининг 12 750 нафар аъзоси истеъфога чиқмоқдамиз”, — деб ёзди Энсариўғли “Х” ижтимоий тармоғида.
Май ойининг охиридан бери партия коалициядаги сайловларда иштироки туфайли ўртача натижаларни кўрсатгач, истеъфолар ва жанжаллар кўпайган.
Президентлик ва парламент сайловларидан сўнг коалиция парчаланиб кетди ва партия раҳбари Мерал Акшенер энди иттифоққа кириш ниятида эмаслигини ва 31 март куни бўлиб ўтадиган муниципал сайловларда якка ўзи қатнашишини маълум қилди.
Мухолифатнинг янги етакчиси Ўзғур Ўзелнинг уни кўндиришга бўлган уринишлари бесамар кетди.
Шу йилнинг ноябрь ойидаги расмий маълумотларга кўра, ушбу партия 617 мингдан ортиқ аъзога эга ва бу кўрсаткич бўйича мамлакатда учинчи ўринни эгаллаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг