Трампнинг битта қарори АҚШ учун фалокат бўлиши айтилди
Фото: AP
НАТОдан чиқиш АҚШ учун жаҳон кучи сифатида фалокат бўлади. Бу фикрларни АҚШнинг НАТОдаги собиқ доимий вакили Николас Бёрнс айтди, дея хабар бермоқда “The New York Times” газетаси.
Бёрнс Конгресс АҚШ президенти Доналд Трампнинг бу таклифини қўллаб-қувватласа, ҳайрон қолишини таъкидлади.
“Эронда бизга ҳужум қилинмади, лекин биз НАТО доирасидан ташқарида ҳужум қилдик, иттифоқчиларимиздан ёрдам сўрамасдан ёки ҳатто уларни олдиндан хабардор қилмасдан”, — дейди собиқ доимий вакил.
Дипломат Вашингтон ҳали расман НАТО ёрдамини сўрамаганини таъкидлади. Бироқ, Бёрнс аксарият иттифоқ мамлакатлари АҚШ раҳбари талаб қилганидек, можаро тугаганидан кейин Ҳўрмуз бўғозини очиқ сақлашга ёрдам беришни таклиф қилаётганини таъкидлади.
Аввалроқ, Доналд Трамп НАТОдан чиқишни жиддий кўриб чиқаётганини тан олган эди. У иттифоқни «қоғоз йўлбарс» деб атади.
«Politico» нашрининг хабар беришича, Европа Иттифоқи бу сўзлардан унчалик хавотирланмаган, чунки улар Трампдан шунга ўхшаш баёнотларни аллақачон эшитган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг