Трамп мамлакатларга қўшимча божлар солиш билан таҳдид қилди
Фото: Reuters
АҚШ президенти Дональд Трамп Америка технология корпорацияларига турли солиқлар ёки тартибга солувчи чекловлар қўядиган барча мамлакатларга қўшимча импорт божлари ва экспорт чекловлари жорий этиш билан таҳдид қилди.
“Рақамли солиқлар, қонунлар, қоидалар ёки тартибларга эга бўлган барча мамлакатларни огоҳлантираман: агар бу камситиш чоралари бартараф этилмаса, мен Америка Қўшма Штатлари президенти сифатида ушбу мамлакатларнинг АҚШга экспортига сезиларли қўшимча тарифлар киритаман ва бизнинг юқори даражада ҳимояланган технология ва чипларимизга экспорт чекловларини киритаман”, — дейди сиёсатчи.
Трампнинг сўзларига кўра, у шу орқали АҚШ технология компанияларига “ҳужум” қилаётган давлатларга қарши чиқмоқда.
“Рақамли солиқлар, рақамли хизматлар тўғрисидаги қонунчилик ва рақамли бозорларни тартибга солишнинг барчаси АҚШ технологиясига зарар етказиш ёки камситиш учун мўлжалланган... Бу зудлик билан тугаши керак!” — дейди Оқ уй раҳбари.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг