Тошкентдаги қуш бозорида мингдан ортиқ қуш ноқонуний сотилаётгани аниқланди
Фото: Экология вазирлиги
Тошкент шаҳрининг Олмазор туманидаги қуш бозорида ёввойи қушлар ва ҳайвонларнинг ноқонуний савдосига чек қўйилди. Бу ҳақда Экология вазирлиги хабар берди.
Маълум қилинишича, бозорида табиатдан ноқонуний равишда тутилган умумий 1168 дона қуш:
- 935 дона чумчуқсимонлар оиласига;
- 33 дона майнасимонлар оиласига;
- 200 дона тўрғайсимонлар оиласига;
- 3 дона қирғийсимонлар оиласига мансуб қушлар, шунингдек, 35 дона чўл тошбақаси ноқонуний сотилаётгани аниқланган ва далилий ашё сифатида олинган.
«Қушлар ўзлари учун яшашга қулай муҳитга қўйиб юборилди», деб ёзади вазирлик матбуот хизмати.
Қўшимча қилинишича, чўл тошбақалари вақтинча Тошкент ҳайвонот боғига, 3 дона қирғийсимонлар оиласига мансуб қуш эса вақтинча Ёввойи қушларни ҳимоя қилиш жамиятига топширилган.
Жониворлар тиббий назорат ва парваришдан сўнг очиқ табиатга қўйиб юборилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг