Тошкентда янги қурилаётган «дом»да ёнғин чиқди
Видеодан кадр
Тошкент шаҳри Юнусобод туманида янги қурилаётган турар жой биносида ёнғин содир бўлди. Бу ҳақда пойтахт Фавқулодда вазиятлар бош бошқармаси хабар берди.
Қайд этилишича, бугун, 13 март куни соат 11:08 да Юнусобод тумани Юқори Қорақамиш кўчасида жойлашган, янги қурилаётган турар жой биносининг иккинчи қаватида ёнғин содир бўлаётганлиги тўғрисида Тошкент шаҳар ФВББга хабар қилинган.
Айтилган манзилга қутқарув экипажлари соат 11:09 да етиб бориб, соат 11:16 да ёнғинни қуршаб олган ва орадан 3 дақиқа ўтиб уни тўлиқ ўчиришга эришган. Билдирилишича, ёнғин оқибатида тан жароҳати олганлар йўқ.
Аниқланишича, манзилда янги қурилаётган турар жой биносининг иккинчи қаватида қурилиш материаллари ёниб заҳарланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг