Тошкент метрополитенидаги айрим бекатларнинг иш вақти вақтинча ўзгаради
Иш вақтининг ўзгариши ер усти ҳалқа метро линиясида янги станцияларнинг ишга туширилиши билан боғлиқ.
Тошкент метрополитени «Ер усти ҳалқа йўли» линиясининг иккинчи босқичида «Турон» (13-бекат) ва «Қипчоқ» (14-бекат) янги бекатларини ишга тушириш мақсадида уларни мавжуд линия станциялари билан техник боғлаш ишларини амалга ошириш режалаштирилган. Шу муносабат билан 25 ноябрдан бошлаб айрим станцияларнинг иш вақти ўзгаради.
Хусусан, «Технопарк» («Дўстлик-2») ва «Яшнобод» (2-станция) станцияларининг иш вақти соат 06:00 дан 22:00 гача қисқартирилади. «Тузел» станциясидан «Қурувчилар» бекати (12-бекат)гача бўлган линиядаги станцияларнинг иш вақти соат 05:00 дан 23:00 гача ўзгармайди.
Қайд этилишича, соат 05:00 дан 06:00 гача ва 22:00 дан 23:00 гача «узел» – «Қурувчилар» бекатлари оралиғида бир томонлама поездлар ҳаракати ташкил этилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг