Тошкент–Ҳожикент йўналишидаги электропоезд носозлик сабаб ҳаракатдан тўхтатилди
Тошкент–Ҳожикент йўналишидаги электропоезд носозлик сабаб ҳаракатдан тўхтатилди. Бу ҳақда «Ўзбекистон темир йўллари» АЖ ахборот хизмати хабар берди.
Маълум қилинишича, воқеа 20 июнь, якшанба куни соат 08:18 да содир бўлган. Тошкент–Ҳожикент йўналишида ҳаракатланувчи 6429-сонли электропоезд «Оққовоқ» темир йўл бекатида тўхтатилган. Ҳолат сабаблари ўрганилганида тяговий электродвигателдан тутун чиққани аниқланган.
Қайд этилишича, ҳозирда электровозни алмаштириш ишлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг