«Толибон» ҳаракати Панжшерга ҳужум бошлади — ОАВ
Фото: AP
Толиблар қаршилик кучлари етакчиси Аҳмад Маъсуд билан музокаралар муваффақиятсиз якунланганидан сўнг Панжшерга ҳужум уюштиришга қарор қилган. Бу ҳақда «Ал-Жазира» телеканали ўз манбасига таяниб хабар бермоқда.
Аввалроқ, БМТ Панжшерда ўт очишни тўхтатишни талаб қилганди. Ташкилот можаро тарафлари аҳоли ҳуқуқларини ҳурмат қилиши ва ёрдам кўрсатиш учун гуманитар кучлар провинцияга киришини таъминлаши кераклигини қайд этди.
1 сентябрь куни «Толибон» Панжшерга кираверишда қаршилик кучлари постини олганини эълон қилди. Қаршилик тарафидан бу маълумот инкор этилди.
«Кеча кечки пайт «Толибон»нинг Панжшерга киришга уриниши вақтида 300дан кўпроқ жангари ҳалок бўлди. Яна бир неча ўнлаб жангарилар жиддий жароҳатланди ёки асирга олинди» дея хабар тарқатилди қаршилик кучлари томонидан. Ўз навбатида, «Толибон» бу маълумотга муносабат билдирмаган.
ОАВ маълумотларига кўра, «Толибон» музокаралардан воз кечиб, Панжшер эгаллашни ҳамда қаршилик кучлари етакчиси Аҳмад Маъсудни йўқ қилишни мақсад қилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг