Фото: Reuters

«Tesla» йил охирига қадар учувчисиз бошқариладиган автомобиль чиқариш лойиҳасини амалга ошира олмайди. Бунга навбатдаги молиявий ҳисобот чоғида компания раҳбари Илон Маск берган баёнотда ишора қилинган. 

Манбага кўра, Америка Қўшма Штатларидаги регуляторлар «Tesla»га тўлиқ автопилот («Full Service Driving») чиқарилишига рухсат бермаган. Шу сабабли ушбу лойиҳани амалга ошириш тўхтатилган. Мутахассисларнинг фикрича, компания расмийларни унинг машиналари рулда одамсиз ҳаракатлана олишига ишонтира олмаган.

«Машина сизни уйдан ишга, дўстингизнинг уйига, озиқ-овқат дўконига олиб бориши мумкин. Сиз рулга тегишингиз шарт эмас», деган эди Маск ушбу лойиҳаси ҳақида. Шу билан бирга, унинг сўзларига кўра, технология ҳали регулятор томонидан тасдиқланмаган. Унинг корпорацияси автопилот бутунлай хавфсиз эканлигини кўрсатиш учун 2023 йилда янгиланишни жорий этиш ниятида.

«Reuters» билан суҳбатлашган экспертларнинг фикрига кўра, регулятор янгиланишни яна маъқулламаслиги мумкин.

«Миллий Йўл ҳаракати хавфсизлиги бошқармаси ва бошқа кучайтирилган текширувини ҳисобга олсак, «Full Service Driving»ни маъқулланиши «Tesla»га янада қийинроқ бўлади», дейди таҳлилчиси Крейг Ирвин.

Илон Маск август ойи охирида 2022 йил охиригача тўлиқ учувчисиз «Tesla» пайдо бўлишини эълон қилган эди. Шу билан бирга, тадбиркорнинг аниқлик киритишича, бу лойиҳа кўп жиҳатдан назорат қилувчи органларга боғлиқ бўлади.