“Страсбург” мағлуб бўлди, “Кристал Пэлас”дан ғалаба
Кеча, 9 апрель куни футбол бўйича Европа Конференциялар лигаси мусобақасининг чорак финал ўйинлари давом эттирилди. Кун доирасидан ўрин олган дастлабки баҳсда Германиянинг “Майнц 05” жамоаси ўз майдонида Франциянинг “Страсбург” жамоасини қабул қилди.
Учрашув мезбонларнинг 2:0 ҳисобидаги ғалабаси билан якунланди. Ўйинда киритилган голларга Кайсю Сано ва Штефан Пош муаллифлик қилди.
Украинанинг байроқдор клуби “Шахтёр” мамлакатдаги сиёсий ҳолат сабаб ўз уй учрашувларини бошқа мамлакатларда ўтказмоқда. Хусусан, жамоа Европа Конференциялар лигаси чорак финалидан ўрин олган Нидерландиянинг “АЗ Алкмар” жамоасига қарши ўйинни Польшада ўтказди ва ушбу баҳсда 3:0 ҳисобида ғалаба қозонди.
Учрашувда киритилган голларга эса Алиссон (2 та) ва Педриньо муаллифлик қилди.
Куннинг сўнгги ўйинида эса Англиянинг “Кристал Пэлас” клуби ўз майдонида Италиянинг “Фиорентина” жамоасини қабул қилди.
Учрашув мезбонларнинг 3:0 ҳисобидаги ғалабаси билан якунланди. Ўйинда киритилган голларга Исмаила Сарр, Жан-Филипп Матета ва Тайрик Митчелл муаллифлик қилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг