“Starship”нинг портлаб кетиши Илон Маск учун 13 млрд долларга тушди
Кеча, 20-апрель куни “SpaceX” компаниясига тегишли “Starship” ракетасининг муваффақиятсиз парвози ортидан “Тесла” акциялари қиймати пасайиб кетди. Оқибатда дунёнинг иккинчи энг бой одами Илон Маск бир кечада 12,6 миллиард доллар йўқотди. Бу ҳақда “Bloomberg” хабар берди.
Маълум қилинишича, кеча “Тесла” акциялари нархи 9,75 фоизга арзонлашиб, 162,99 долларга тушган. Кеча АҚШнинг Техас штати Бока-Чика шаҳридаги космодромдан тарихдаги энг катта ракета “Starship” учирилди. Бироқ парвоз бошланганидан тўрт дақиқа ўтиб, у Мексика кўрфази устида портлаб кетди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг