Швецияда ўтказилаётган «Eurovision» қўшиқ танловида Исроилнинг қатнашиши норозиликларни келтириб чиқарди
Швециянинг Малмо шаҳрида минглаб одамлар Исроилнинг «Eurovision» қўшиқ танловида иштирок этишига қарши намойишлар ўтказди. Тадбир ташкилотчилари намойишчилардан танловга сиёсий тус бермасликни сўраган.
Пайшанба куни «Eurovision» ўтказиладиган жойдан бир неча километр узоқликдаги боғда шаҳар бўйлаб режалаштирилган марш олдидан намойишчилар митинг ўтказиш учун Фаластин байроқларини кўтарган ҳолда тарихий Сторторгет майдонида йиғилишган. Полициячиларга кўра, йиғилганлар 12 мингдан кўпроқ бўлган.
Танлов ташкилотчилари намойишчилардан Исроил иштирокига сиёсий тус бермасликни талаб қилган. Шундан сўнг Фаластинни қўллаб-қувватловчилар ҲАМАС гуруҳининг 7 октябрдаги Исроилга қарши ҳужумига ишора қилиб айтилган «Октябрь ёмғири» қўшиғини ўзгартиришга эришган. Энди исроиллик санъаткор Эден Голан танловда «Hurricane» яъни «Довул» қўшиғи билан иштирок этади.
Шунингдек, Исроил танқидчилари Россия Украинага бостириб кириши ортидан 2022 йилги мусобақада Рус қўшиқчиларининг «Eurovision»дан чиқарилиб юборилганини таъкидлашган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг