Иллюстратив фото

31 ёшли хитойлик жарроҳ Ву Тяньген бор-йўғи 42 кун ичида 25 килограммни йўқотди ва ҳатто бодибилдинг мусобақаларида бир қанча совринларни қўлга киритди. 2024 йилда шифокорнинг вазни 97,5 кг бўлган ва жигарнинг енгил ёғли касаллигидан азият чеккан. Соғлиғининг ёмонлашиши шифокорни турмуш тарзи ҳақида ўйлашга мажбур қилди.

«Агар мен ўзимни қутқара олмасам, бошқаларни қандай қутқараман?» — дейди у.

Ву кунига камида икки соат машқ қилиш ва олти соат уйқуни ўз ичига олган интенсив машғулотлар ва овқатланиш режасини ишлаб чиқди. Ҳар куни у ишдан олдин бир соатлик аэроб машқларини бажариш учун эрталаб соат 5:30 да уйғонган, кейин эса навбатчиликдан кейин яна бир соат машқ қилган. Мусобақа олдидан у машғулотларини кунига тўрт мартагача оширди.

Шифокорнинг фикрича, унинг «семиз одам»дан «жаноб бодибилдинг»га ўзгариши унинг беморлари учун туртки бўлиши мумкин. Сўнгги бир неча йил ичида шифокор 100 нафардан ортиқ одамга вазн йўқотишга ёрдам берди. Вунинг таъкидлашича, натижаларга эришиш учун соғлом турмуш тарзи, жумладан, тўғри уйқу, мувозанатли овқатланиш, мунтазам жисмоний машқлар ва ижобий дунёқараш муҳим аҳамиятга эга.