Шавкат Умурзоқов Туркиянинг Ўзбекистондаги Фавқулодда ва Мухтор элчиси Олган Бекар билан учрашди
Меҳмонларни самимий қарши олган Ш.Умурзоқов ўзбек-турк қардош халқларининг умумий жиҳатлари ҳақида сўз юритиб, икки мамлакат ўртасидаги самарали сиёсий ва бизнес-алоқаларнинг қамрови кенглигини таъкидлади. Меҳмонни Янги Тошкент тумани, эркин иқтисодий зоналарда амалга оширилиши кўзда тутилган лойиҳалар ҳақида маълумот бериб, О. Бекар кўмагида турк компаниялари пойтахтимиз ривожига улкан ҳисса қўшишига ишонч билдирди.
Меҳмон қабул учун миннатдорлик билдириб, ўзбек-турк муносабатлари жадал ривожланаётганини, бу, шубҳасиз, давлатларимиз раҳбарлари асос солган стратегик ҳамкорлик маҳсули эканлигини таъкидлади.
Шу билан бирга, тарафлар Туркиянинг биринчи президенти Мустафо Камол Отатурк номини Тошкент кўчаларидан бирига бериш, пойтахтимизда турк хиёбонини ташкил қилиш каби масалаларини муҳокама этдилар.
Ш. Умурзоқов ушбу масалаларнинг ечимида имкон қадар кўмак беришга тайёрлигини билдирди. Ўз навбатида, Олган Бекар ҳамкорлик алоқаларини ривожлантириш учун бор имкониятларни ишга солишга ваъда берди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг