Қорақалпоғистонда машина портлаган «заправка»нинг лицензияси бекор қилинди
Фото: «Ўзэнергоинспекция»
Қорақалпоғистон Республикасидаги метан заправкада 2 январь куни машинага газ тўлдиришда қўпол қоидабузарлик содир этилгани учун у портлаб кетганди. «Ўзэнергоинспекция» ушбу шохобча фаолияти тўхтатилганини маълум қилди.
Қайд этилишича, мазкур ҳолат идора ходимлари томонидан атрофлича ўрганилиб, текширув натижаларига кўра, шохобчага тегишли лицензияни бекор қилиш юзасидан судга ариза киритилган.
Иқтисодий суднинг 2026 йил 8 апрелдаги қарори билан «К.М.» МЧЖ лицензия талаб ва шартларини қўпол равишда бузган деб топилиб, жамиятга тегишли лицензияни бекор қилиш белгиланган.
Эслатма: Сиқилган табиий ёки суюлтирилган углеводород газда ишлашга мослаштирилганлиги тўғрисида тегишли рухсат этувчи ҳужжатлари мавжуд бўлмаган автомобилларга газ тўлдириш лицензия талаб ва шартларини қўпол равишда бузиш ҳисобланади ва лицензиянинг бекор қилинишига сабаб бўлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг