Қирғизистонда "COVID-19"га қарши эмлаш кампанияси бошлангани маълум қилинди. Мамлакат "AstraZeneca" вакцинасидан воз кечган
Иллюстратив фото
Жорий йилнинг 29 март, душанба куни Қирғизистонда аҳолини коронавирусга қарши эмлаш кампанияси бошланган.
Бу ҳақда Соғлиқни сақлаш ва ижтимоий ривожланиш вазири Алимқодир Бейшеналиев маълум қилди.
"Вакцинация бугун (29 март) бошланади", деди Бейшеналиев. Шунингдек, у биринчи бўлиб эмланишини қўшимча қилган.
Унга кўра, мамлакат аҳолиси Хитойнинг "Sinopharm" компанияси вакцинаси билан эмланади. Мамлакатда ушбу препаратдан 150 минг доза олиб келинган.
Таъкидланишича, Қирғизистонда эмлаш бепул ва ихтиёрий равишда амалга оширилади. Вакцинация дастлаб Бишкек, Чуй ва Ўш вилоятларида амалга оширилади ҳамда биринчи навбатда тиббиёт ходимлари, ўқитувчилар, ҳуқуқни муҳофаза қилиш идоралари ходимлари эмланади.
Бейшеналиевнинг айтишича, май ёки июнь ойига қадар мамлакатга Россиянинг "Спутник V" вакцинаси олиб келинади.
Аввалроқ, Қирғизистон "AstraZeneca" (Буюк Британия/Швеция) компаниясининг "COVID-19"га қарши вакцинасидан воз кечгани маълум қилинган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг