Путин Ғарб санкцияларининг Россия иқтисодиётига хавфларидан огоҳлантирди
Фото: РИА «Новости»
Ғарбнинг Россияга қарши санкциялари мамлакат иқтисодиётига салбий таъсир кўрсатиши мумкин, дея огоҳлантирди мамлакат президенти Владимир Путин.
«Ўрта муддатли истиқболда Россия иқтисодиётига қўйилган ноқонуний чекловлар ҳақиқатан ҳам унга салбий таъсир кўрсатиши мумкин», деди у. Бу борада давлат раҳбари ички талаб асосида ишлаш зарур, деб ҳисоблайди.
«Ҳозирги вазиятда айнан у (талаб) иқтисодий ўсишнинг етакчи омилига айланиб, биринчи ўринга чиқмоқда», дейди президент.
Путин шунингдек, ҳозирда мамлакатда ишсизлик рекорд даражада пастлигича қолаётганини, бироқ бу «меҳнат бозоридаги барча муаммолар ҳал этилган» дегани эмаслигини таъкидлади.
Шунингдек, у фуқаролар даромадлари динамикаси иқтисодий ривожланишнинг асосий кўрсаткичи эканлигини таъкидлаб, бутун мамлакат бўйлаб иш ҳақи ва аҳолининг реал ихтиёридаги даромадлари реал ўсишни бошлаганини таъкидлади.
Шунга қарамай, «булар ҳали ҳам жуда камтарона кўрсаткичлар», деб хулоса қилди Путин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг