Пластмасса чиқиндиларни 24 соат ичида йўқ қиладиган технология яратилди
Фото: Reuters
Техаслик олимлар 24 соат ичида пластмасса чиқиндиларни йўқ қиладиган фермент яратиш учун сунъий интеллектдан фойдаланадилар.
Forbes ахборот портали хабарига кўра, тадқиқотчилар табиий PETase ферментидаги барча мумкин бўлган мутацияларни ишлаб чиқиш учун нейрон тармоқдан фойдаланишган. Бу бактерияларга кўп шундай маҳсулотларда ишлатиладиган турли хил PET пластмассаларини бузиш имконини беради. Барча ишлаб чиқилган мутациялар паст ҳароратларда ҳам пластмассани парчалаш жараёнини тезлаштиради.
Натижада, яратилган фермент PET пластмассаларини 30 дан 50 даражагача бўлган ҳароратда самарали йўқ қилишга муваффақ бўлди. Яъни, пластмасса чиқиндилар бир ҳафта ичида йўқ бўлган. Баъзи тажрибалар 24 соат ичида ҳам натижа кўрсатган.
Олимларнинг фикрича, бу катта миқдордаги пластмасса чиқиндилар билан самарали курашишга ва дунёдаги энг долзарб экологик муаммолардан бирини ҳал қилишга ёрдам беради.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг