Ўзбекистоннинг ташқи қарзи 25 млрд. доллардан ошди
2020 йил биринчи уч ойида Ўзбекистоннинг умумий ташқи қарзи 25,1 миллиард долларни ташкил этди. Йил бошига нисбатан у 2,8 фоизга ёки 692 миллион долларга ўсди.
"Бу жараён, Covid-19 вируси тарқалиши туфайли юзага келган инқирознинг ижтимоий-иқтисодий таъсирини юмшатиш ва саноат ва минтақаларни ривожлантириш бўйича давлат дастурларини молиялаштириш учун янги ташқи қарзларни жалб қилиш билан изоҳланади", - дея тушунтирди Марказий банк.
Ташқи қарз давлат ва хусусийлардан иборат. Биринчиси 16,2 млрд.долларни, иккинчиси - 8,9 млрд.долларни ташкил этди, шу билан бир қаторда, глобал пандемия фонида, Ўзбекистоннинг суверен облигацияларининг бозордаги нархи биржаларда нархларнинг пасайиши натижасида пасайган.
Қарзни тўлашга келсак, биринчи чоракда асосий қарзнинг 132 миллион доллари ва фоизлар бўйича 93 миллион доллар тўланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг