Ўзбекистонга икки ойда 1,7 млн долларлик оёқ кийим импорт қилинди
2026 йилнинг январь-февраль ойларида Ўзбекистонга 28 та хорижий давлатдан қиймати 1,7 млн АҚШ долларига тенг бўлган 115,3 минг жуфт оёқ кийим импорт қилинган. Бу ҳақида Миллий статистика қўмитаси маълумот берди.
Мамлакатимизга энг кўп оёқ кийим етказиб берган давлатлар рўйхатида Хитой етакчилик қилмоқда. Ушбу мамлакатдан жорий йилнинг дастлабки икки ойи мобайнида 94,6 минг жуфт оёқ кийим олиб келинган.
Шунингдек, январь-февраль ойларида Вьетнамдан 5,2 минг жуфт, Туркиядан 3,4 минг жуфт, Ҳиндистондан 2,5 минг жуфт, Индонезиядан 2 минг жуфт ҳамда бошқа давлатлардан 7,6 минг жуфт пойабзал импорт қилинган.
Қўмита маълумотларига кўра, импорт ҳажми 2025 йилнинг мос даврига нисбатан 19,5 минг жуфтга ёки 14,5 фоизга камайган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг