Ўзбекистонда АИ-80 маркали автомобиль бензиннинг нархи тушди
Ўтган ҳафта давомида, яъни 14 – 20 декабрь кунлари «Ўзбекистон республика товар-хом ашё биржаси» АЖнинг барча савдо платформаларида 1 420,2 млрд сўмлик товарлар сотилган бўлиб, бу аввалги ҳафтага нисбатан 25,4% га кўпдир. Бу ҳақда республика товар-хомашё биржаси маълумот берди.
Ўтган ҳафтада биржа савдоларига 23 952,0 тонна АИ-80 маркали автомобиль бензини қўйилди ва улардан 21 736,1 тоннаси, яъни 90,7% сотилди. Ўтказилган савдоларда ҳар куни ўртача 47 харидор иштирок этган.
Кўриб чиқилаётган даврда АИ-80 маркали автомобиль бензиннинг ўртача кунлик нархи маҳсулотнинг бир тоннаси учун 5 845,8 минг сўмдан 5 727,9 минг сўмгача ёки 2,0% га пасайди.
Кўриб чиқилаётган даврда АИ-80 русумли автомобиль бензиннинг ўртача ҳафталик котировкаси 5 787,5 минг сўмни, АИ-91 – 6 759,4 минг сўмни ташкил этди.
Эслатиб ўтамиз, турли манбаларда келтиришича автомобиль бензинининг бир тоннаси ўртача 1293-1370 литрни ташкил қилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг