Ўзбекистон Президенти Бирлашган Араб Амирликларига ҳамдардлик билдирди
Ўзбекистон Республикаси ташқи ишлар вазири Бахтиёр Саидов Бирлашган Араб Амирликлари Бош вазири ўринбосари, ташқи ишлар вазири шайх Абдулла бин Зоид Ол Наҳаён Ҳазрати Олийлари билан телефон орқали мулоқот ўтказди.
«Яқин Шарқдаги вазиятни атрофлича муҳокама қилдик. Бирлашган Араб Амирликлари билан бирдамлигимизни билдириб, Ўзбекистон Республикаси Президенти Шавкат Мирзиёев Жаноби Олийларининг самимий ҳамдардлигини етказдик», — дейди Бахтиёр Саидов.
Шунингдек, мулоқот давомида давлат суверенитети ва ҳудудий яхлитликни ҳурмат қилган ҳолда барча масалаларни халқаро ҳуқуқ нормаларига мувофиқ тинч йўл билан ҳал этиш муҳимлиги таъкидланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг