Ўзбекистон ҳудудига нам ва салқин ҳаво массалари кириб келмоқда
Фото: Муҳсин Умурзоқов / «Халқ сўзи»
Жорий йилнинг 14-17 апрель кунлари Ўзбекистон ҳудудига нам ва салқин ҳаво массалари кириб келади, деб хабар бермоқда «Ўзгидромет» агентлиги.
Унга кўра, 14 апрель куни Ўзбекистоннинг шимоли-ғарбий ҳудудларида, 15-17 апрелда республиканинг кўпчилик вилоятларида ёмғир ёғади, баъзи жойларда кучли бўлади. Момақалдироқ кузатилиши мумкин.
Республиканинг баланд тоғли ҳудудларида ёмғир қорга айланиши кутилмоқда. 15-17 апрелда кундузги ҳаво ҳарорати аста-секин 13-16 даражагача пасаяди.
Ўзбекистон бўйича баъзи жойларда шамол тезлиги 15-20 метр/секундгача, айрим жойларда баъзида 25-28 метр/секундгача кучаяди, 14-15 апрелда айрим жойларда чанг-тўзонлар билан кузатилиши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг