Озарбайжон ўз ҳудудида USAID ёпилганини эълон қилди
Архив фото
Озарбайжон Вашингтонни АҚШ Халқаро тараққиёт агентлиги (USAID)нинг мамлакатдаги фаолиятини тўхтатгани ҳақида расман хабардор қилди. Бу ҳақда мамлакат ташқи ишлар вазирлиги матбуот котиби Айхан Ҳожизода маълум қилди.
«Америка томони мамлакатдаги USAID фаолияти учун қонуний асос йўқлиги ва унинг фаолиятини тўхтатгани ҳақида расман хабардор қилинган», дейди дипломат. Қарор АҚШнинг ўзида ташкилотнинг тарқатиб юборилиши фонида қабул қилинган.
Бунгача Озарбайжоннинг APA ахборот агентлиги мамлакат ташқи ишлар вазири Жейҳун Байрамовнинг «Уларнинг фаолиятини тўлиқ тўхтатиш вақти аллақачон етиб келди» деган сўзларидан иқтибос келтирган ҳолда USAID фаолиятини тўхтатгани ҳақида хабар тарқатганди.
АҚШ президенти Дональд Трамп лавозимга киришгач, USAID фаолиятини чеклаш тўғрисида қарор қабул қилинди. Агентлик сайти ишлашни тўхтатди, Х ижтимоий тармоғида агентликнинг миллиондан ортиқ обуначиси бўлган аккаунти ўчириб ташланди.
Илон Маск эса USAID жиноий ташкилот экани айтиб, «Унинг ўлиш вақти келди», деди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг